"Барселона" президенти Жоан Лапорта ҳужумчи Усмон Дембеле янги шартнома имзолаш бўйича якуний қарорни маълум муддатгача қабул қилиши кераклигини айтди.
"Унда бизнинг таклифимиз ва санамиз бор, чунки шартномани яхшилаш учун бошқа имконият йўқ. Биз келаси мавсумга тайёргарлик кўряпмиз ва муаммо шундаки, футболчининг агенти таклифимизга жавоб бермаяпти.
“Энди бизнинг устувор вазифамиз бор, яъни молиявий ҳолатимизни тиклаш. Биз билан гаплашадиган кўплаб ўйинчилар ва муҳокамалар кутилмоқда, аммо Ла Лига бизга ёрдам бермаяпти", - деди Лапорта.
Жорий мавсумда футболчи Ла Лигада 21 та ўйин ўтказиб, 1 та гол урди ва 13 та голли узатмани амалга оширди.
