“Манчестер Сити” ва Украина терма жамоаси ярим ҳимоячиси Александр Зинченко терма жамоасининг Жаҳон чемпионатида иштирок этиш ҳуқуқи учун Шотландия термасига қарши кечадиган ярим финал плей-офф ўйинидаги кайфияти ҳақида гапирди.
“Бу ўйин менинг ҳаётимдаги энг муҳим ўйинлардан бири. Йигитлар тайёр кўринади, мотивация ҳақида гапиришнинг ҳожати йўқ.
Бироз вақт футбол ўйнамаган йигитларга тайёргарлик кўриш ва жисмоний ҳолатни нормал ушлаш осон эмас. Бу ҳолатда ҳеч қандай баҳона йўқ ва биз ўз ишимизни имкон қадар яхши бажаришимиз керак”, - деди Зинченко BBC билан суҳбатда.
Шотландия – Украина ўртасидаги Жаҳон чемпионатида иштирок этиш ҳуқуқи учун ярим финал плей-офф ўйини 1 июль куни Глазгодаги “Хэмпден Парк” стадионида Тошкент вақти билан соат 23:45да бошланади.
Қарама-қаршилик ғолиби Жаҳон чемпионатининг гуруҳ босқичига чиқиш ҳуқуқи учун Уэльсга қарши баҳс олиб боради.