“Ливерпуль” ҳимоячиси Жоэль Матипнинг укаси Марвин Франция полицияси “Ливерпуль” ва “Реал” ўртасидаги Чемпионлар лигаси финалига мезбонлик қиладиган “Стад де Франс” стадиони олдига йиғилган мухлисларга қарши кўздан ёш оқизувчи газ ишлатаётганини маълум қилди.
"Бундай ташкилотчилик Чемпионлар лигаси даражасига тўғри келмайди. Аёллар ва болалар бўлган жойларда кўздан ёш оқизувчи газдан фойдаланиш номақбул ва хавфлидир”, — деган Матипнинг укаси.
Эслатиб ўтамиз, Марвин рафиқаси ҳомиладор бўлгани учун стадионга навбатда турган. Улар бу вазиятда ресторанлардан бирига яширинган.
