"Челси" ҳужумчиси Ромелу Лукакунинг агенти Фендери Пасторелло шу ҳафта Миланга ташриф буюради. У "Интер" раҳбарияти билан учрашади, дея хабар беради инсайдер Николо Скира.
29 ёшли ҳужумчининг Лондон клуби билан шартномаси 2026 йилнинг 30 июнига қадар мўлжалланган.
Лукаку жорий мавсум “Челси” сафида 41 ўйинда майдонга тушиб, 14 та гол урди ва 2 та голли узатмани амалга оширди.
Аввалроқ бельгиялик ёзда Англияни тарк этмоқчилиги, унга "Интер" ва "Милан" клублари қизиқаётгани ҳақида хабарлар тарқалган эди.