"Интер" бош директори Беппе Маротта клуб ҳужумчи Пауло Дибалани сотиб олмоқчи эканлигини тасдиқлади.
"Умид қиламизки, Дибала кейинги мавсумда "Интер"да ўйнайди", - дея Мароттанинг сўзларини келтиради La Gazette Dello Sport.
Дибаланинг "Ювентус" билан шартномаси 2022 йилнинг июнида якунига етади. Ҳужумчи аллақачон клубни тарк этишини маълум қилган.
Хабар қилинишича, "Интер" 28 ёшли аргентиналик футболчига йилига 6 миллион евро маош билан 4 йиллик шартнома таклиф қилади.
Жорий мавсумда Дибала “Ювентус” сафида 36 та ўйинда майдонга тушиб, 15 та гол урди ва 6 та голли узатмани амалга оширди.
