"Барселона" ҳужумчиси Усмон Дембеле келажаги борасидаги қарорни "Челси"ни сотиш тугагунига қадар қолдирди, дея хабар беради Purewal. 25 ёшли франциялик футболчи фаолиятини давом эттириш вариантларидан бири сифатида Лондон клубини кўрмоқда.
Шартномаси тугайдиган футболчига "ПСЖ" ва "Бавария" ҳам қизиқмоқда.
2021/22 йилги мавсумда Дембеле каталонияликлар сафида барча мусобақаларда 32 та ўйинда майдонга тушиб, 2 та гол урди ва 13 та голли узатмани амалга оширди. Ҳужумчининг клуб билан шартномаси 2022 йилнинг 30 июнига қадар амал қилади.
