"Ювентус" ёзги трансфер ойнасида "Марсель" ҳужумчиси Аркадиуш Миликни сотиб олиш имкониятини кўриб чиқмоқда. Бу ҳақда Correira Dello Sport хабар бермоқда.
Манбанинг хабарига кўра, 28 ёшли футболчининг трансфери бўйича келишув Турин клубига 10-15 миллион еврога тушиши мумкин.“Ювентус” ҳужумчини аргентиналик Пауло Дибаланинг кетганидан кейин сотиб олмоқчи.
"Марсель" Миликни 2021 йилнинг январида "Наполи"дан 2021/22 йилги мавсум охиригача ижарага олганди. Transfermarkt хабарига кўра, француз клуби ҳужумчининг ҳуқуқларини 9 миллион еврога сотиб олади. Ўтган мавсумда польяк 37та ўйинда 20та гол урди ва 2та голли узатмани амалга оширди.
