Мартин Брейтуэйт ёзда "Барселона"ни тарк этишни режалаштирмаяпти.
Каталония клуби 30 ёшли ҳужумчини сотмоқчи, бош мураббий Хави уни келаси мавсум учун жамоа режаларига киритмаган.
Данияликга бошқа жамоалар томонидан қизиқиш бўлганига қарамай, унинг ўзи кетиш ниятида эмас.
Хави жамоага келганидан буён Мартин “Барса” сафида бор-йўғи 22 дақиқа ўйнади: Ла Лигада 10 ва Қироллик Кубогида 12 дақиқа.
Ҳужумчининг "кўк-анорранглилар" билан шартномаси 2024 йилнинг ёзига қадар тузилган.