"Аталанта" ярим ҳимоячи Алексей Миранчукни ижарага бериб юбормоқчи.
Il Gorno хабарига кўра, клуб 26 ёшли футболчини маълум шартлар бажарилган тақдирда сотиб олиш шарти билан ижарага бермоқчи.
Раҳбарият Миранчукдан ҳафсаласи пир бўлган ва икки йил аввал уни сотиб олиш учун сарфланган пулни қайтариш ниятида.
Манбага кўра, ярим ҳимоячининг "Болонья"га ўтиши эҳтимоли бор. Миранчукнинг ўзи Италияда қолишни истайди ва "Болонья"да ўйнашга тайёр.
2021/22 йилги мавсумда россиялик футболчи “Аталанта” сафида барча мусобақаларда 25 та ўйинда майдонга тушиб, 2 та гол урди ва 5 та голли узатмани амалга оширди. Миранчукнинг клуб билан шартномаси 2024 йилнинг ёзига қадар тузилган.
