Ярим ҳимоячи Френки де Йонг "Барселона"дан "Манчестер Юнайтед"га ўтишни истамаяпти, деб хабар беради Mundo Deportivo.
Манбага кўра, 25 ёшли футболчи кейинги мавсумда Чемпионлар лигасида иштирок этадиган клубга ўтишни афзал кўради.
Хабарларга кўра, "Манчестер Юнайтед" ҳали ҳам ярим ҳимоячини Эрик тен Хаг қўл остидаги янги лойиҳанинг етакчисига айлантириш орқали уни клубга қўшилишга кўндиришга умид қилмоқда.
Аввалроқ, "МЮ" ва "Барселона" де Йонгнинг 80 миллион еврога трансфери бўйича келишувга эришишга яқин экани хабар қилинганди.
Ўтган мавсумда Френки каталонияликлар сафида 46 та ўйинда майдонга тушиб, 4 та гол урди ва 5 та голли узатмани амалга оширди. Ярим ҳимоячининг клуб билан шартномаси 2026 йилнинг 30 июнига қадар тузилган.
