"Вулверхэмптон" ярим ҳимоячи Рубен Невешни сотиш орқали 75 миллион евро ишламоқчи. Футболчига асосий даъвогарлар "Манчестер Юнайтед" ва "Барселона" бўлиб турибди, деб ёзади The Telegraph.
25 ёшли ярим ҳимоячининг ўзи аввалроқ Чемпионлар лигасида ўйнашни хоҳлаётганини айтганди. Унинг "бўрилар" билан амалдаги шартномаси 2023 йилда якунига етади.
"МЮ"нинг ёзги трансфер ойнасида ярим ҳимоячи позицияси учун асосий устуворлиги "Барселона" футболчиси Френки де Йонгдир. "Кўк-анорранглилар" Невешни де Йонгнинг ўринбосари деб ҳисоблашмоқда.
Ўтган мавсумда Невеш 36 та ўйин ўтказиб, 4 та гол урди ва 2 та голли узатмани амалга оширди.
