Миланнинг “Интер” клуби ҳужумчиси Алексис Санчес Испания чемпионатига қайтиши мумкин. Бу ҳақдаFootball-Italia хабар бермоқда.
Манбанинг хабарига кўра, 33 ёшли ҳужумчининг трансферига Хави Эрнандес қизиқмоқда. Мутахассисга ҳужумда бир вақтнинг ўзида бир нечта позисияларда ўйнай оладиган чилилик футболчининг серқирралиги ёқади.
Алексиснинг "нерадзуррилар" билан шартномаси 2023 йилнинг ёзига қадар мўлжалланган. Унинг трансфер нархи 3,5 миллион еврога баҳоланмоқда.
Эслатиб ўтамиз, чилилик футболчи 2011 йилдан 2014 йилгача "Барса"да ўйнаган.