«Брайтон» ҳимоячиси Марк Кукурелья бир вақтнинг ўзида Англия премьер-лигасининг нақ уч топ-клуби қизиқиш доирасига тушган, дея хабар беради Goal.

Гап «Манчестер Сити», «Челси» ва «Тоттенхэм» ҳақида кетмоқда. 23 ёшли ҳимоячи 2021/22 йилги дебют мавсумини «Брайтон»да ўтказди ва 38 та ўйин ўтказиб, 2 та голли узатмани амалга оширди.

Испаниялик футболчи «Барселона» тарбияланувчиси ва бир мавсумни «Хетафе»да ўтказишга ҳам муваффақ бўлди. Британиянинг Goal нашри хабарига кўра, «Брайтон» трансфер учун инглиз футболи етакчиларидан камида 50 миллион евро талаб қилмоқда.

Эслатиб ўтамиз, футболчи Испаниянинг катталар терма жамоаси сафида бор-йўғи битта ўйин ўтказган – 2021 йилда Литвага қарши (4:0). Ўшандан бери у бошқа терма жамоага чақирилмади.