Ўзбекистон Профессионал Футбол Лигаси вакиллари айни дамда Ўзбекистонда ўзбек сегментидаги Wikipedia лойиҳасини ривожлантиришни мақсад қилган “WikiStipendiya” марафони ташкилотчилари билан учрашув ўтказди.
Унда икки томон ҳам ушбу лойиҳа асосида самарали ҳамкорлик қилишга келишиб олишди. Жумладан, ЎзПФЛ ташаббуси билан WikiFutbol лойиҳасини ишга тушириш бўйича келишувга эришилди. Унда Ўзбекистон футболига оид барча ахборотлар, статистика, фактлар ва бошқа қизиқарли маълумотлар ўзбекча Wikipediaда бериб борилиши кўзда тутилган.