13 июнь, душанба куни Миллатлар лигаси доирасидаги Франция ҳамда Хорватия терма жамоалари ўртасидаги учрашув бўлиб ўтди. Учрашув хорватларнинг 1:0 ҳисобидаги ғалабаси билан якунланди.
Франциялик ҳужумчи Антуан Гризманн 80-дақиқада захирадан майдонга тушди. 31 ёшли футболчи учун бу терма жамоа сафидаги 108-ўйин бўлди. Бу кўрсаткич бўйича Гризманн Зинедин Зиданга етиб олди. Иккаласи ҳам терма жамоада энг кўп ўйин ўтказган футболчилар рўйхатида олтинчи ўринни эгаллаб туришибди.
Бу борада Гризманн энг яқин бўлган футболчи Оливье Жиру бўлиб, у 112 ўйин ўтказган. Франция терма жамоаси рекордчиси Лилиан Тюрам ҳисобланади - 142 та ўйин.
