Ярим ҳимоячи Поль Погба ниҳоят "Ювентус" билан шартнома шартларини келишиб олди, деб ёзади журналист Марко Контейро.
29 ёшли франциялик футболчи туринликлар билан 4 йиллик шартнома имзолайди. Унинг маоши бонусларни ҳисобга олмаганда мавсумига 8 миллион еврони ташкил қилади. Ярим ҳимоячининг трансфери июль ойида расман эълон қилинади.
1 июнь куни “Манчестер Юнайтед” Погбанинг текинга кетишини эълон қилди. Ўтган мавсумда у барча турнирларда 27 та ўйинда 1 та гол урди ва 9 та голли узатмани амалга оширди.
