Мадриднинг “Атлетико” клубининг уругвайлик ҳужумчиси Луис Суарес Туриннинг “Ювентус” клубига ўтмоқчи, дея хабар беради La Gazette Dello Sport.

Манбага кўра, футболчининг ўзи Италия клубига ўз хизматларини таклиф қилган. Бироқ йилига беш миллион евро олмоқчи бўлган ҳужумчининг молиявий талаблари ва “Юве” бундай суммани тўлашга тайёр эмаслиги муаммога айланиши мумкин.

Эслатиб ўтамиз, Суарес 1 июлдан эркин агентга айланади ва бошқа клубга текинга ўтиши мумкин бўлади.

35 ёшли уругвайлик футболчи ўтган мавсумда "Атлетико Мадрид" сафида барча турнирларда 45 та ўйинда майдонга тушиб, 13 та гол урди ва 3 та голга ассистентлик қилди.