Англия терма жамоаси Миллатлар лигаси гуруҳ босқичининг 4-турида ўз майдонида Венгриядан йирик ҳисобда мағлуб бўлди - 0:4. Шу тариқа, британияликлар 94 йил аввал ўрнатилган антирекордни такрорлади.
OPTA хабарига кўра, 1928 йилдан бери биринчи марта инглиз жамоаси ўз майдонида 4 ва ундан кўп гол фарқи билан мағлуб бўлди. Сўнгги бор Шотландия терма жамоаси инглизларни 5:1 ҳисобида мағлуб этганди.
Англия 4-турдан кейин 2 очкога эга ва А лигаси 3-гуруҳида сўнгги ўринни эгаллаб турибди. Венгрия 7 очкога эга ва квартетда пешқадамлик қилмоқда.
