"Манчестер Юнайтед" "Бенфика"дан "Ливерпуль"га ўтган ҳужумчи Дарвин Нуньесга ўринбосар топди.

Daily Star хабарига кўра, инглиз клуби "Рома" ҳужумчиси Тэмми Абрахам билан шартнома имзолаши мумкин.

"Манчестер Юнайтед" Нуньесни сотиб олишга ҳаракат қилган, аммо уругвайлик футболчи "Ливерпуль" билан узоқ муддатли шартнома имзолади.

Абрахам "Рома"да 2021 йилдан бери ўйнаб келмоқда. 24 ёшли футболчи Премьер-лигада тажрибага эга, у аввалроқ "Челси" ва "Астон Вилла" таркибида ҳаракат қилган.

Тэмми ўтган мавсумда итальян жамоаси сафида барча мусобақаларда 53 та ўйинда майдонга тушиб, 27 та гол урди ва 5 та голли узатмани амалга оширди.