"Милан"нинг жазоирлик ярим ҳимоячиси Исмоил Беннасер "Манчестер Юнайтед"га ўтиши мумкин. Бу ҳақда The Sun нашри хабар бермоқда.
Қайд этилишича, манкунианликлар “россонерилар”га асосий таркибдаги ўрнини йўқотган футболчини сотиб олиш бўйича янги таклиф тайёрлаган. Манчестерликлар Беннасерга 2018 йилда, жамоани Оле-Гуннар Сульшер бошқараётган вақтда ҳам қизиқиш билдирган эди.
Беннасер ўтган мавсумда А Серияда "Милан" сафида 31 ўйинда майдонга тушиб, 2 гол ва 1 голли узатмага муаллифлик қилган.