"Реал"ни тарк этиб, эркин агентга айланган бразилиялик қанот ҳимоячиси Марсело фаолиятини Пиренейда давом эттириш ниятида.
Mundo Deportivo хабарига кўра, тажрибали бразилиялик учун бир қанча даъвогарлар бор. 34 ёшли футболчига "Вальядолид", "Райо Валекано" ва "Хетафе" клублари қизиқиш билдирмоқда.
Марсело 2007 йилдан буён "қаймоқранглилар" учун 545 та ўйин ўтказган. Мадридликлар билан бирга ҳимоячи олти марта Испания чемпиони бўлган ва беш марта Чемпионлар лигасида ғолиб чиққан.