"Барселона" "Бавария"дан ҳужумчи Роберт Левандовски трансфери бўйича янги таклиф тайёрламоқда, дея хабар беради инсайдер Фабрицио Романо.
Аввалроқ мюнхенликлар "кўк-анорранглилар"нинг дастлабки таклифини рад этган эди.
Романонинг сўзларига кўра, "Бавария"нинг позициясига қарамай, "Барселона" ҳамда Левандовски ўртасидаги келишув каталонияликлар президенти Жоан Лапорта ва футболчининг агенти Пини Захави ўртасидаги яхши муносабатлар туфайли сақланиб қолмоқда.
Левандовскининг ўзи фаолиятини "ПСЖ" ва "Челси"да давом эттириш имкониятларига эга бўлса-да, "Барселона"га ўтмоқчи.
