“Ювентус” клубининг франциялик ярим ҳимоячиси Адриен Рабьо фаолиятини Англия Премьер-лигасида давом эттириши мумкин.
Турин клуби футболчисига "Манчестер Юнайтед", "Челси" ва "Ньюкасл" клублари қизиқиш билдирмоқда. Бу ҳақда Calciomercato хабар бермоқда.
Манбага кўра, "Ювентус" бош мураббийи Массимилиано Аллегри Франция терма жамоасининг 27 ёшли ярим ҳимоячисини келажакдаги режаларига киритмаган ва катта эҳтимол билан футболчи шу йилнинг ёзида Турин клубини тарк этади.
Қайд этилишича, "бьянконерилар" Рабьо трансферидан тахминан 15 миллион евро ишлаб олишмоқчи.
