"Манчестер Сити" ярим ҳимоячиси Раҳим Стерлинг клуб бош мураббийи Хосеп Гвардиола билан жанжаллашмади. Журналист Саймон Стоуннинг сўзларига кўра, англиялик футболчининг “Этиҳад”ни тарк этиш истаги унинг испаниялик мутахассис билан муносабатларига ҳеч қандай алоқаси йўқ.
Стерлинг Гвардиола унга кўп нарсани ўргатганини ва янги босқичга чиқишига ёрдам берганини тушунади, шунинг учун футболчи мураббийга ҳурматсизлик қилмоқчи эмас. Қайд этилишича, Раҳимга асосий даъвогар ҳозирча Лондоннинг “Челси” клуби бўлиб турибди.
Стерлингнинг трансфер нархи 60 миллион еврога баҳоланмоқда. Эслатиб ўтамиз, футболчининг "Манчестер Сити" билан шартномаси бир йилдан кейин тугайди.
