"Manchester Siti" yarim himoyachisi Rahim Sterling klub bosh murabbiyi Xosep Gvardiola bilan janjallashmadi. Jurnalist Saymon Stounning so‘zlariga ko‘ra, angliyalik futbolchining “Etihad”ni tark etish istagi uning ispaniyalik mutaxassis bilan munosabatlariga hech qanday aloqasi yo‘q.
Sterling Gvardiola unga ko‘p narsani o‘rgatganini va yangi bosqichga chiqishiga yordam berganini tushunadi, shuning uchun futbolchi murabbiyga hurmatsizlik qilmoqchi emas. Qayd etilishicha, Rahimga asosiy da’vogar hozircha Londonning “Chelsi” klubi bo‘lib turibdi.
Sterlingning transfer narxi 60 million yevroga baholanmoqda. Eslatib o‘tamiz, futbolchining "Manchester Siti" bilan shartnomasi bir yildan keyin tugaydi.
