"Арсенал" "Лидс" билан бразилиялик ярим ҳимоячи Рафинья Диаснинг трансфери борасида келишувга эриша олмади, деб хабар беради The Telegraph.
Манбага кўра, "товуслар" футболчини сотишдан бош тортган, чунки Лондон клуби унинг учун талаб қилинадиган 55 миллион евродан анча кам пул таклиф қилган. Аввалроқ "Барселона" молиявий муаммолар туфайли бразилиялик футболчини трансфер қилишдан бош тортганди.
25 ёшли Рафинья ўтган мавсумда "Лидс" сафида барча турнирларда 36 та ўйинда майдонга тушиб, 11 та гол урди ва 3 та голга ассистентлик қилди. Унинг клуб билан шартномаси 2024 йилнинг ёзига қадар мўлжалланган.