"ПСЖ" футболчиси Андер Эррера жамоадоши Марко Верратти ҳақида ўз фикрлари билан ўртоқлашди. У италияликнинг даражасини Хави ва Иньестанинг савияси билан солиштирди.
"Верратти - мен билан бирга ўйнаган энг яхши ярим ҳимоячи. Лекин Тиаго, Погба ва албатта Бастиан Швайнштайгер каби усталар билан ўйнаш тажрибам ҳам бор. Аммо мен Верраттини Хави ва Иньеста билан бир хил даражага қўйган бўлардим", - деди Эррера.