Италия терма жамоаси бош мураббийи Чезаре Пранделли Россияга қарши бўлиб ўтган ўртоқлик учрашуви (0:3) ҳақида фикр билдирди.

"Биз кўплаб хатоларга йўл қўйдик ва умид қиламанки бугун хатолар лимитини ишлатиб бўлдик.

Бу қаторасига учинчи мағлубиятимиз - аммо биз сўнгги саккиз ой ичида уч марта ўйнадик, холос. Хатоларни тўғирлашимиз учун бизнинг яна 5-6 кунимиз бор.
 Россия жуда яхши формада бўлди, бу уларнинг харакатида, руҳиятида намоён бўлди. Биз ундан бироз ортдамиз.

Бизнинг ҳимоямиздаги муаммоларимиз ҳужумдан бошланади. Агар ҳужумчилар яримҳимояга ёрдам бермаса, буларда муаммолар пайдо бўлади - ҳимояда ҳам шундай. Ҳимояда нечта футболчи ўйнаганининг фарқи йўқ - 3 ёки 4...

Парадокс, балки бизни осмондан ерга тушишимиз ва яна кўп ишлашимиз кераклигини билиб қўйишимиз учун учун худди шу ҳисобда мағлуб бўлишимиз керак бўлгандир", - дея  Пранеллининг сўзларини келтиради Football Italia.