"Челси" қанот ҳужумчиси Хаким Зиеш ёзги трансфер ойнасида жамоасини ўзгартириши мумкин, дея хабар беради журналист Жанлука Ди Марцио.

Манбага кўра, 29 ёшли марокашлик Лондон клубини тарк этиш истагини билдирган. Хабар қилинишича, миланликлар футболчининг мумкин бўлган трансфери бўйича вакиллари билан музокараларга киришган.

Томонлар маош борасида муроса топишлари керак: “Челси”да Зиеш йилига 5 миллион фунт маош олади. "Милан" бунча пул тўлашга тайёр эмас, Италия клуби ҳам, футболчи ҳам ўзига мос вариантни топишга тайёр.

Хаким “Челси”да 2020 йилнинг июлидан буён тўп тепади. 2021/22 йилги мавсумда ярим ҳимоячи лондонликлар сафида 44 та ўйинда майдонга тушиб, 8 та гол урди ва 6 та голли узатмани амалга оширди.

Transfermarkt.com портали марокашлик футболчининг нархини 28 миллион еврога баҳоламоқда.