"Ницца" бош мураббийи Кристоф Гальтье яқин орада Маурисио Почеттино бошқараётган "ПСЖ"ни бошқаради. Айни пайтда франциялик мутахассиснинг Париж жамоасига ўтказиш бўйича келишув амалда якунига етди.
Манбанинг ёзишича, Гальтье парижликларни албатта бошқаради. Кристофни жамоа бошлиғи сифатида эълон қилиш учун пойтахт жамоаси раҳбарияти Почеттино билан шартномани бекор қилишга келишиб олиши керак. Гальтьенинг трансфери парижликларга 10 миллион евродан кам тушади.
Ҳозирда "ПСЖ" президенти аргентиналик мураббийни истеъфога чиқариш учун барча шартларни ҳал қиляпти.
Гальтье 4 июль куни бўлиб ўтадиган байрамдан кейинги биринчи машғулотда жамоани бошқаришни бошлаши мумкин.
