"Манчестер Сити"га қарши Чемпионлар лигаси ярим финали қаҳрамонига айланган "Реал" ҳужумчиси Родриго "Ливерпул"га қарши турнирнинг финал ўйинини эсга олди.
"Bola da Vez" дастурида Родриго ярим финалдаги ютуқлари туфайли финалда майдонга тушишни жуда хоҳлаганини айтди.
"Охирида мен Анчелотти билан баҳслаша бошладим. "Мен ўйнашим керак, мен ўйнашим керак" - деб қайта-қайта айтавердим", - деб бразилиялик ўз хотиралари билан ўртоқлашди.
Шунингдек, Родриго Анчелоттига "Манчестер Сити"га урган асосий голларини эслатди.
"Биз бу босқичга мен туфайли келдик, шундай эмасми? Мен ўйнашим керак”, - деди Родриго.
Натижада Родриго иккинчи бўлимнинг асосий вақтида майдонга тушди. У финал учрашувидаги ягона гол муаллифи Винисиусни ўрнига майдонга тушди.