Англиянинг “Манчестер Юнайтед” клуби даниялик ярим ҳимоячи Кристиан Эриксен билан бир неча маротаба музокара ўтказди ва футболчининг молиявий талабларини қондиришга рози бўлди, деб хабар беради Daily Star.
Манбага кўра, "қизил иблислар" даниялик билан шартнома имзолашга яқин турибди. Футболчи ёзда "МЮ" қандай трансфер сиёсатини олиб боришини кўрмоқчи, шу сабабли у шартнома имзолашни кечиктирмоқда.
Маълум қилинишича, футболчининг "Манчестер Юнайтед"га ўтган тақдирда маоши йилига 8,3 миллион еврони ташкил қилади.
Олдинроқ Эриксен фаолиятини давом эттириш учун иккита вариантни кўриб чиқаётгани ҳақида хабар берилганди: "Манчестер Юнайтед" лагерига бориш ёки "Брентфорд"да ўйнашни давом эттириш.
Кристиан Эриксен ўтган мавсумда "Брентфорд" сафида Премер-лигада 11 та ўйинда майдонга тушиб, 1 та гол ва 3 та голли узатмани амалга оширди. Ҳозирда футболчи эркин агент мақомида.
