Миланнинг “Интер” клуби ва Чили терма жамоаси ярим ҳимоячиси Артуро Видаль Бразилиянинг “Фламенго”сига ўтишга яқин турибди, дея хабар бермоқда журналист Фабрицио Романо ўзининг Twitter'даги саҳифасида.
Манбанинг хабарига кўра, футболчи клуб билан 18 ойлик шартнома имзолайди. Томонлар ўртасидаги музокаралар май ойида бошланган ва якуний босқичда.
Аввалроқ Видалга аргентиналик "Бока Хуниорс" ва Қатарнинг "Ар-Райян" клубларидан ҳам қизиқиш борлиги ҳақида хабарлар тарқалган эди.
2021/2022-йилги мавсумда ярим ҳимоячи “Интер” сафида 40 та ўйин ўтказиб, 2 та гол урди ва “нерадзуррилар” билан Италия кубогини қўлга киритди.
35 ёшли Артуро Видалнинг "Интер" билан шартномаси 2023 йилнинг июнигача мўлжалланган. Transfermarkt портали унинг қийматини 2 миллион еврога баҳоламоқда.
