"Ювентус" ярим ҳимоячиси Роландо Мандрагора "Фиорентина"га сафига бориб қўшилди, деб хабар берди флоренцияликлар сайти.
Аввалроқ "бинафшаранглилар" у билан йилига 1,6 миллион евро маош билан 4+1 кўринишида шартнома имзолаши ҳақида хабар берилганди.
25 ёшли ярим ҳимоячининг трансфери суммаси 10 миллион еврога (бонуслар билан бирга) баҳоланмоқда.
2021/22 йилги мавсумда Мандрагора "Торино"да ижара асосида ўйнади, жамоа сафида 23 ўйинда 1 гол ва 2 голга ассистентлик қилди.