Британия матбуотида тарқалган хабарларга кўра, "Манчестер Юнайтед" чилилик истиқболи порлоқ ҳужумчи Анхело Энрикесни харид қилиниши маъқуллаган.
Энрикес атиги 18 ёшда, лекин у ўзининг "Универсидад де Чили" клуби сафида 10 учрашувда майдонга тушиб нақ 8 гол киритган. Ушбу ўйинчи билан Европанинг бир неча грандлари қизиқиб қолган эди.
Хабар қилинишича, "қизил иблислар" ўйинчининг 3 миллион фунтга тенг трансфер қийматини тасдиқлашга улгуришган. Келишув ёз фасли мобайнида ўз ниҳоясига етказилади.
Қўшимча қилиш мумкинки, Энрикесга дарҳол Англияга кўчиб ўтиш учун халқаро учрашувларда майдонга тушмагани пича халақит бермоқда. "Юнайтед" футболчини қайсидир клубга ижарага бериши ёки унга "алоҳида иқтидорга эга инсон" сифатида меҳнат визаси олиб бериши мумкин.
