Ўтган ҳафта суд ФИФА ва УЕФАнинг собиқ президентлари Йозеф Блаттер ва Мишел Платинини оқлади. ФИФАнинг собиқ раҳбари эндиликда ижтимоий тармоқларда пост қолдиришни бошлади.
"Салом дўстлар, мен қайтиб келдим. Мен ҳали ҳам кучлиман - етти йиллик ёлғонлар якунланди. Энди ўйин яна тўғри йўналишда кетади. Мишел Платини таъкидлаганидек, "Биздан яна эшитасиз", деб пост қолдирди 86 ёшли Блаттер.
Йозеф Блаттер 1998 йилдан 2015 йилгача ФИФА президенти лавозимида ишлаган.
ФИФА айни дамда Қатарда бўлиб ўтадиган Жаҳон чемпионатига тайёргарлик кўрмоқда. Турнир 2022 йилнинг ноябр-декабр ойларида бўлиб ўтади.