"Наполи" "Верона" ҳужумчиси Жованни Симеонени қўлга киритиш борасида музокаралар олиб бормоқда, дея хабар беради журналист Николо Скира.
Манбага кўра, неаполликлар 27 ёшли аргентиналик футболчини 15 миллион еврога сотиб олиш имконияти билан 2 миллион еврога ижарага олмоқчи.
Симеоне ўтган мавсумда "Верона" таркибида 35 ўйинда 17 та гол урди ва 6 та голли узатмани амалга оширди. Transfermarkt.com портали футболчининг нархини 17 миллион еврога баҳоламоқда.
Жованни Симеоне "Атлетико Мадрид" бош мураббийи ва собиқ "Интер" ва "Лацио" футболчиси Диего Симеоненинг тўнғич ўғли ҳисобланади.