Уэльслик ярим ҳимоячи Аарон Рэмси фаолиятини Туриннинг “Ювентус” клубида давом эттиришга қарор қилди. Daily Mail нашри хабарига кўра, томонлар ҳамкорликдаги ўзгаришлар бўйича музокаралар олиб бормоқда. Футболчи шартномаси охиригача ўйнашга умид қилмоқда, шундан сўнг у "кекса синьора"ни эркин агент сифатида тарк этади.
Ярим ҳимоячининг Италия гранди билан амалдаги шартномаси 2023 йилнинг ўрталарига қадар тузилган. Унинг бозор қиймати уч миллион еврога баҳоланмоқда.
Рэмси ўтган мавсумнинг иккинчи қисмини Шотландиянинг “Глазго Рейнжерс” жамоасида ижара асосида ўтказди. Уэльслик футболчи 18 та ўйинда майдонга тушиб, 2 та гол ва 2 та голли узатмага муаллифлик қилган.
