"Милан" Шарль де Кетеларе трансфери бўйича музокараларда сезиларли муваффақиятга эриша олмади.
“Россонеррилар”нинг техник директори Паоло Мальдини ва спорт директори Фредерик Массара бугун “Брюгге” клуби билан келишувга эришиш учун Бельгияга ташриф буюришди.
Журналист Жанлука Ди Марционинг ёзишича, ярим ҳимоячи билан шартномани ёпишнинг иложи бўлмаган. Шу билан бирга, томонларнинг кайфияти ижобий ва улар 21 ёшли футболчи фаолиятини ҳали ҳам А Серияда давом эттиришига умид қилишмоқда.
Мальдини ва Массара Италияга қайтишмоқда, бироқ тез орада музокаралар давом эттирилади.
Олдинроқ, миланликлар де Кетеларе учун 30+5 миллион евро тўлашга тайёр экани хабар қилинганди.
