Душанбе шаҳрида Марказий Осиё футбол ассоциациясига аъзо мамлакатлар аёллар миллий терма жамоалари ўртасида мусобақа якунига етганидан хабарингиз бор. Ўзбекистон терма жамоаси барча рақибларини мағлуб этиб, халқаро мусобақа ғолибига айланди.
Кеча ғолиб ва совриндорларни тақдирлаш маросими бўлиб ўтди. Ўзбекистонлик қизларга олтин медаллар топширилган бўлса, Эрон кумуш ва Қирғизистон бронза медаллари билан тақдирланишди.
Бундан ташқари, индивидуал совринлар ҳам ўз эгаларига тақдим этилди. Ўзбекистон терма жамоаси сардори Нилуфар Қудратова бирданига 2та совринга эга чиқди. У 5та гол билан мусобақа тўпурарига айланишдан ташқари, мусабақанинг энг яхши футболчиси деб топилди.
Эронга «Fair Play» соврини топширилган бўлса, Туркманистон CAFA'нинг махсус совринига муносиб деб топилди.
