"Аякс" матбуот хизмати расмий сайтида "Порту" ярим ҳимоячиси Франсиско Консейсаунинг трансфери ҳақида эълон қилди.

Трансфер суммаси беш миллион еврони ташкил қилди. Футболчи Нидерландия клуби билан 2027 йилнинг ёзига қадар шартнома имзолади.

19 ёшли Консейсау 2020 йилдан бери “Порту” сафида тўп тепиб келаётган эди. Умуман олганда, у клуб учун барча мусобақаларда 50 та ўйин ўтказиб, 3 та гол урди ва 5 та голли узатмани амалга оширди. Португалия ёшлар терма жамоаси сафида 11 та ўйин ўтказиб, 3 та гол урган. 2021/2022 йилги мавсумда Португалия чемпиони бўлди.