"Арсенал" техник директори Эду Гаспар клубнинг трансфер бозоридаги ишлари ҳақида фикр билдирди.
Бу ёзда "канонирлар" янги ўйинчилар учун 140 миллион евродан кўпроқ сармоя киритдилар, бу Англия Премьер-лигасидаги клублар орасидаги энг кўпи.
Бироқ Гаспар клубнинг трансфердаги ишларини якунланган деб ҳисобламайди: «Бизда ҳали қиладиган ишлар кўп. Ҳозир трансфер ойнасининг ўртаси ва у ёпилгунча ҳамма нарса содир бўлиши мумкин.
Биз ҳар қандай вазиятга тайёрмиз. Олдимизда янги имкониятлар очилиши мумкин”, - дея бразилияликнинг сўзларини келтиради журналист Фабрицио Романо.
