"Милан"нинг ҳужумкор ярим ҳимоячиси Браим Диас янги мавсум ҳақида умидлари билан ўртоқлашди.
Охирги мавсумда "россонерилар" 11 йил ичида биринчи марта А серияда ғалаба қозонганди, аммо Чемпионлар лигасида яхши натижа кўрсата олмади ва гуруҳ босқичидан сўнг турнирни тарк этди.
“Умид қиламанки, жамоамиз ўз кучига янада кўпроқ ишонади. Нафақат А Серияда 20-чемпионлик учун кураша олади, балки Европада ҳам кўпроқ ютуқларга эришади.
Бизда ҳам ёш, ҳам тажрибали футболчилар бор. Улар Чемпионлар лигаси нима эканлигини жуда яхши билади.
Биз скудеттони қўлга киритдик, ўзимизни яхшиладик, фақат ўзимизга ишонишимиз керак", - дейди Диас.
