"Милан" ҳимоячиси Алессандро Флоренци жамоасининг ўтган мавсумдаги Италия чемпионатидаги чемпионлиги ҳақида гапирди ва келгуси мавсумни кўтаринки кайфиятда ўтказиши ҳақида фикр билдирди.
“Бизда жамоавий руҳ бор эди, 26 нафар футболчи бир хил фикрда эди. Биз энг кучли эмасдик, лекин энг кучлилар ҳар доим ҳам ғалаба қозонавермайди. Якунда ҳаммаси яхши чиқди, барча қийинчиликларни бирга енгдик.
Бу ёз жуда кўп жамоалар яхшиланди. Биз Скудеттони ҳақли равишда қўлга киритдик ва уни такрорламоқчимиз. Бу осон бўлмайди, ҳар бир жамоа чемпионни мағлуб этиш учун бор кучини сарфлайди", - деди Флоренци Sky Sports Italia билан суҳбатда.
2021/22 йилги мавсумда "Милан" сўнгги 11 йил ичида биринчи марта Италия чемпионига айланди. Клуб охирги марта 2010/11 йилги мавсумда А Серияда ғалаба қозонган.