"Сассуоло" ҳужумчиси Жанлука Скамакка Лондоннинг "Вест Хэм" клуби билан шартнома имзолашдан олдин тиббий кўрикдан муваффақиятли ўтди. Бу маълумотни журналист Фабрицио Романо ўзининг ижтимоий тармоқларида тасдиқлади.
Энди "болғачилар" фақат трансфер ҳақида расмий хабар эълон қилишлари керак. Скамакка Лондон клубининг ушбу трансфер ойнасидаги биринчи трансфери бўлиши керак. Италиялик футболчи трансферидан сўнг "Вест Хэм" асосий эътиборини Филипп Костични сотиб олишга қаратади.
Эслатиб ўтамиз, Скамакка ўтган мавсумда Италия А сериясида 16 та гол урди. Аввал футболчи "Женоа"да ижара асосида ўйнаган.
