Босния ва Герцеговина терма жамоаси ва “Барселона” клуби ярим ҳимоячиси Миралем Пьянич жамоа бош мураббийи Хави ҳақида фикр билдирди.

"Хави футболчилик фаолиятида менга намуна бўлган. Мен ҳайрат билан унга эргашдим. Менимча, у барча даврларнинг энг яхши ярим ҳимоячиларидан бири бўлган. У билан ишлаш алоҳида нарса. Бизни яхши мавсум кутмоқда", - деди Пьянич Fanatik нашри билан суҳбатда.

Эслатиб ўтамиз, Пьянич ўтган мавсумни ижара асосида Истанбулнинг "Бешиктош" клубида ўтказган эди. Миралем турк жамоаси сафида 26 та ўйинда майдонга тушиб, 4 та голли узатмани амалга оширди.

Пьянич 2020 йил сентябрь ойида Туриннинг “Ювентус” клубидан “Барселона”га 60 миллион евро эвазига ўтган эди. Миралем Каталония клуби сафида 30та ўйин ўтказган.