"Атлетико" ярим ҳимоячиси Коке Криштиану Роналдунинг жамоага ўтиши ҳақидаги миш-мишларга изоҳ берди.

Миш-мишларга кўра, "Атлетико" португалиялик футболчи учун курашда фаворитлардан бири, "Манчестер Юнайтед" ҳужумчисининг ўзи эса Мадридга қайтишга тайёр. "Матрасчилар" президенти ҳозирча клуб томонидан Роналдунинг трансфери кўриб чиқилмаётганини айтиб ўтган.

"Бизнинг кийиниш хонамизда Роналдунинг келиши мумкинлиги ҳақида ҳеч қандай гап йўқ. Жамоадошларим орасида ажойиб футболчилар кўп. Бизда Аргентина, Бразилия, Португалия, Франция ва Испаниядан ўйинчилар бор, улар ҳақиқатан ҳам яхши ўйинчилар ва натижани бера оладилар. Мен уларга ишонаман, биз Роналдусиз ҳам аъло даражадамиз", - деди Коке AS нашрига берган интервьюсида.