"Атлетико Мадрид" сардори Коке клубнинг ёзги трансфер режалари ҳақида гапирди.
“Клубда ҳар бир мавсум учун ажойиб ўйинчилар бор ва таркибни алмаштириш учун кўплаб имкониятлар мавжуд. Аммо барибир қарор жамоа директорларида қолади. Улар бизда кўпроқ трансферлар бўладими ёки таркиб етарли даражада таъминланганми деган қарорни қабул қилишлари керак. "Атлетико"да ҳар бир позиция учун иккитадан футболчи ва мавсумдаги барча совринлар учун кураша оладиган ажойиб таркиб бор."
Аввалроқ ОАВда Криштиану "Атлетико"га ўтишга рози бўлгани ҳақида хабарлар тарқалган эди. Роналду кейинги мавсум Чемпионлар лигасида ўйнашни хоҳлайди. 37 ёшли ҳужумчи "Манчестер Юнайтед" билан мавсумолди турнега чиқмади.