"Барселона" ҳужумчиси Мемфис Депай "Ювентус" қизиқишлари доирасига тушган.
Бироқ Турин клуби каталонияликлар билан расмий музокараларни бошламаган, дея хабар беради журналист Фабрицио Романо.
Олдинроқ "Барселона" футболчи учун 20 миллион евро олишни режалаштираётгани ҳақида хабарлар тарқалган эди.
Шу билан бирга, Депайнинг ўзи "Барселона" футболчиларига Каталония клубини тарк этмоқчи эмаслигини айтган.
Ўтган мавсумда футболчи "Барселона" сафида барча мусобақаларда 37 та ўйинда 13 та гол урди ва 2 та голли узатмани амалга оширди.
Унинг "Барселона" билан шартномаси 2023 йилнинг ёзига қадар мўлжалланган. Эслатиб ўтамиз, Депай Каталония клубига 2020 йилнинг ёзида эркин агент сифатида ўтган эди.
