"Челси" ярим ҳимоячиси Жоржиньо ҳимоячи Калиду Кулибалининг трансфери борасида ўз фикрларини билдириб ўтди. Июль ойида футболчи "Наполи"дан "Челси"га кўчиб ўтганди.
"Кулибалини сотиб олиш "Челси" учун ажойиб ҳаракат. У шунчаки яхши ўйинчи эмас, у кийиниш хонасидаги муҳитни сақлаб қолиш учун жуда фойдали инсон. Бу борада жуда фойдали бўлади. Трансфер амалга ошишига чин дилдан умид қилгандим ва бу содир бўлганидан хурсандман", - дея Жоржиньо сўзларини келтиради Sky Sports Italia.
30 ёшли италиялик ва 31 ёшли сенегаллик 2014 йилдан 2018 йилгача "Наполи"да бирга ўйнаган. Кулибали "Челси" билан 2026 йилгача шартнома имзолади.
